វល្លិ៍ពោះអំបែង

ឈ្មោះអង់គ្លេស៖ Ballon Vine , Heart Pea , Heart Seed and Smooth Leaved Heart Pea .
ឈ្មោះថៃ៖ โคกกระออม
ឈ្មោះរុក្ខសាស្ត្រ៖ Cardiospermum halicacabum L
ឈ្មោះអម្បូរ៖ SAPINDACEAE
+ ផ្នែកប្រើប្រាស់ : ផ្កា ស្លឹក ដើម ។
++ គុណសម្បត្តិ
- ផ្កា បន្ថយជាតិស្ករ សម្រួលបស្សាវះ ។
- ស្លឹក ព្យាបាលរោគខាន់លឿង កែអាការៈឈឺភ្នែក កែគ្រុនក្ដៅ កែក្អក ព្យាបាលរោគហឺតហត់ កែអាការៈហើមជាំតាមរាងកាយ ព្យាបាលបូស ។
- ដើម កែពិសក្នុងរាងកាយ ជួយកាត់បន្ថយសម្ពាធឈាម ។
+++ កម្រិតបរិមាណសន្មត
ដើមស្ងួត ( វល្លិ ) 10-18ក្រាមដាំផឹក
វល្លិស្រស់ 35-70ក្រាម ដាំផឹក ។

ដើមចាក ចាក

ឈ្មោះអង់គ្លេស ឬសាមញ្ញ៖ Nipah Palm , Mangrove palm , Water Coconut AND Water Palm .
ឈ្មោះថៃ៖ ต้นจาก
ឈ្មោះរុក្ខសាស្ត្រ៖ Nypa fruticans Wurmb
ឈ្មោះអម្បូរ៖ PALMACEAE ( NYPOIDEAE )
+ ផ្នែកប្រើប្រាស់ : ស្លឹកនិងឫស ។
++ គុណសម្បត្តិ
ស្លឹកនិងឫស ដាំផឹកជួយកែអាការៈរាគមួល កាត់បន្ថយអាការៈឈឺធ្មេញ ឈឺក្បាល និង ជួយព្យាបាលជំងឺសើស្បែក ។

ដើមកកោះ កកោះ

ឈ្មោះអង់គ្លេស ឬសាមញ្ញ៖ ??
ឈ្មោះថៃ៖ มะค่าแต้
ឈ្មោះរុក្ខសាស្ត្រ៖ Sindora siamensis Miq ឬ Goledupa cochinchinensis ( Baill.) Prain
ឈ្មោះអម្បូរ៖ LEGUMINOSAE ( FABACEAE )
+ ផ្នែកប្រើប្រាស់ : សំបកដើម ពកដើម ផ្លែឬគ្រាប់ ។
++ គុណសម្បត្តិ
- សំបក ដំបៀមជួយកែអណ្ដាតពងបែក ។
- ពកដើម ដាំផឹកជួយទំលាក់ព្រូន ដាំឆ្ពង់កែឫសដូងបាត ។
- ផ្លែឬគ្រាប់ ដុសបិទបូស កែរោគសើស្បែក ។

ស្បៃរឿង ផ្កាស្បៃរឿង

ឈ្មោះអង់គ្លេស ឬសាមញ្ញ៖ African Marigold , America Marigold , Aztec Marigold , Big Marigold .
ឈ្មោះថៃ ៖ ดาวเรือง
ឈ្មោះរុក្ខសាស្ត្រ៖ Tagetes erecta L
ឈ្មោះអម្បូរ៖ COMPOSITAE
+ ផ្នែកប្រើប្រាស់ : ផ្កា ស្លឹក ។
++ គុណសម្បត្តិ
- ផ្កា កែវិលមុខ ជំនួយភ្នែក បញ្ចុះកម្តៅ កែក្អក កែផ្ដាសាយ ជួយកាត់ស្លេស្ម ជួយកែអាការៈឈឺធ្មេញ ផ្សះរបួស ។
- ស្លឹក បុកពូតយកទឹកជួយកែអាការៈឈឺត្រចៀក ជួយកាត់បន្ថយអាការៈឈឺចុករោយតាមសន្លាក់ ។